Модели на чевли што ќе ги гледаме насекаде во 2025-та (фото)

Гумени чизми за врнежливи денови и „Мери Џејн“ чевли кои ќе доминираат оваа пролет.

Ако размислувате да го обновите гардероберот со пар нови чевли, веројатно ве интересира што е тренди.

Од чизми за зимските денови, до пролетни модели, погледнете кои чевли ќе ги гледаме насекаде во 2025-та:

Ретро патики

Ретро моделите како Adidas Samba или Puma Palermo доминираат веќе неколку сезони, а ќе продолжат да бидат хит и во текот на 2025-та.

Удобни се и идеални за лежерни аутфити бидејќи лесно се комбинираат.

Кломпи

Извесен период ги избегнувавме, но периодов и кломпите повторно се враќаат во мода.

Во потоплите денови, најпопуларни ќе бидат бохо моделите со потпетица, кои делуваат по малку ретро.

Мошне добро изгледаат со фармерки, но и со лелеави фустани.

Едноставни мокасини

Мокасините се модел кој не излегува од мода, па ако планирате да дадете повеќе пари за чевли, вреди да вложите во нив.

Најпопуларни се едноставните модели, во една боја, кои можат да се вметнат во деловни и минималистички комбинации.

Чевли со полна пета

Полната пета беше хит, па исчезна, па повторно беше хит…

Еспадрилите со полна пета повторно ќе бидат актуелни, но ќе се носат и влечки и кломпи со полна пета.

Продолжува на следната страница...