Моден водич за жени: 9 правила за стилско комбинирање на патики

Не мора да ги криете чорапите ако знаете да ги искомбинирате, со кратки фустанчиња не се носат спортски патики, на широки фармерки одговараат гломазни патики - како стилски да ги искомбинирате патиките? 

Вистина е дека патиките се хит и веќе е сосема нормално да се комбинираат во секакви стајлинзи за секакви пригоди.

Но сепак, треба да се држите до некои основни правила за да изгледате добро и стилски, а не промашено. 

Неколку правила за стилско комбинирање на патики:

Вечерни и долги фустани не одговараат со спортски патики

Не мора да ги криете чорапите ако знаете да ги искомбинирате со патиките и стајлингот

Додадете некое модно парче или накит во здодевната комбинација од патики + шорцеви и маица

Деловни панталони и одела се носат со поедноставни патики, не со гломазни

Кратки фустани и здолништа одговараат со едноставни, ниски и поформални патики наместо спортски

Патиките над глужд не се носат со пократки модели на панталони – ја кратат фигурата

Гломазни модели на патики одговараат повеќе со широки фармерки отколку со тесни (ако се одбере соодветен горен дел за да не ве шири)

Макси фустаните и здолништа со шлиц одговараат со едноставни бели (тенис) патики

Не претерувајте со изгледот – шарени аутфити одговараат со едноставни патики, а еднобојна облека може да се размрда со кул и впечатливи патики

М. М. | Црнобело