Какви фармерки да одберете според формата на телото за да не се разочарате, според стилистите?

Тело во форма на јаболко

При избор на фармерки за овој тип на тело, акцентот треба да се стави на нозете, бидејќи тоа се луѓе со тенки нозе, а покрупно торзо.

Затоа, експертите сметаат дека нозете треба да бидат нагласени со еластични, тесни фармерки до глуждот.

Тие треба да се високи до средината на половината за да се избегне непотребно акцентирање во пределот на стомакот.

Треба да се избегнуваат и фармерки кои имаат декоративни елементи на половината, како и модели со нагласени копчиња.

Тело во форма на линијар

Фармерките што го истакнуваат вашиот струк и создаваат илузија на дефинирани облини се најдобар избор за девојките кои имаат тело во форма на линијар.

Изберете модели со широки ногавици или boyfriend style (стил на момче).

Не бирајте многу широки модели, зашто тоа може да ги нарушат пропорциите на телото, па да делувате слабо кај торзото, а и визуелно дебело кај нозете.

Оптимален избор се фармерки со среден и висок струк.

Тело во форма на јагода

Ако имате тело во форма на јагода (обратен триаголник), изберете фармерки што додаваат волумен на долниот дел од телото и помагаат да се балансираат широките рамена и полните гради.

Фармерките со широки ногавици или ѕвонарки се одлична опција, исто како и модели со рамни ногавици.

Дајте им предност на светлите нијанси - тие визуелно додаваат волумен и ги балансираат пропорциите на нозете и торзото.

Вам ви одговараат и модели со големи џебови и декоративни елементи во пределот на колковите - тие помагаат да се создаде рамнотежа на телото.

А. Ј. | Црнобело