Пет начини како да носите бермуди ова лето (фото)

Со елек, со маичка на кратки ракави, а во постудените летни ноќи, со тенко џемперче или пуловер.

Летово бермудите се меѓу најпопуларните модни парчиња, а во зависност од моделот, добри се и за лежерни, и за деловни комбинации.

Изгледаат одлично со летни чевли како балетанки и сандали, а навистина лесно се комбинираат со секакви парчиња.

Достапни се многу модели, па сигурно ќе можете да ги вметнете во вашите аутфити, без разлика каков ви е стилот.

Пет предлози како да носите бермуди ова лето:

Со маичка на кратки ракави

Ова е комбинација со која нема да погрешите.

Бермудите, особен моделите од тексас, изгледаат навистина добро со маичка на кратки ракави, а комбинацијата можете да ја комплетирате со минималистички балетанки, влечки, но и патики.

Со тенок џемпер

За постудените летни ноќи, бермудите можете да ги комбинирате и со тенко џемперче или пуловер.

Со топ без прерамки

Ако ви се допаѓа модата од раните 2000-ти, тогаш дајте ѝ шанса на оваа комбинација.

Бермудите во комбинација со топ без прерамки изгледаат добро и со штикли, па овој аутфит е идеален и за ноќно излегување.

Со костим за капење

Бермудите можат да бидат добро парче и за на плажа.

Можете да ги комбинирате со едноделен костим за капење и апостолки.

Со елек

На работа, можете да ги комбинирате бермудите со елек, а можете да купите и комплет.

Елекот ќе ви послужи и за полежерни комбинации, со бермуди од тексас.

Спирова С. | Црнобело