Тренди чанти есен '12

Студениот период се смета за здодевен, токму поради едноличноста на боите и дезените кои се во тренд. Меѓутоа оваа сезона изгледа е поразлично. Ова се седумте видови на чанти кои ќе ги носите со задоволство во сезоната која следи.

Чанти со крзно. Лажното крзно се најде насекаде во високата мода. Така се преточи во тренд кој е неизбежен во следната сезона.

Светли бои. И покрај фактот дека светлите бои и шари не се приоритет за есен и зима, дизајнерите посакаа да додадат разновидност во својата колеција. Затоа, летните чанти немора веднаш да ги спакувате за следното лето.

Пространи чанти. Отсекогаш биле хит кај женскиот пол токму поради просторот со кои располагаат. И оваа есен нема потреба да се грижите дали ќе ви собере се во малите чантички, бидејќи во секое време можете да ги замените со голема и пространа чанта и сеуште да бидете во тренд.

Минијатурни чанти. Контраст на претходниот модел. Совршен додаток за вечерни излегувања или романтична вечера. Елегантно, класично, отмено.

Чанти за на рамо. Изгледа дека летниот тренд само се продолжува. Никако не ги изоставајте летните чанти за преку рамо, на кои се чини дека модата никогаш нема да им помине.

Кожени чанти. Кожата е ин и очигледно нема девојка на која не и се допаѓа. Секоја дама би требало да поседува една оригинална кожена чанта, без оглед на дезенот или бојата.

Плик чанти. Рачните чанти се уште еден тренд кој неодамна се проби и не се очекува да заврши во скоро време. Едноставните плик чанти може да се носат за дневни прошетки, додека впечатливите плик чанти украсени со многу додатоци се совршен избор за вечерни забави.