Трендовски парчиња позајмени од вашето момче

Како што се ближи есента, така доаѓа и сезоната на големите џемпери и необичните модни додатоци. Проверете го плакарот на вашето момче во кој сигурно се крие едно од овие 4 парчиња и одберете барем едно кое ќе го износите оваа есен.

1. Огромен џемпер. Големите плетки се исто толку модерни како и за девојките, така и за момците. Затоа најпрво тргнете во потрага по интересен џемпер кој ќе се вклопи со вашите омилени чизми и тесни фармерки.

2. Обична бела маичка. Парче кое секој маж го поседува. На ден- два сигурно и вас нема да ви стои лошо. Интересна комбинација со тесен џинс и необична кожна јакна ќе и даде нов изглед на обичната бела маичка.

3. Интересен часовник. Часовникот кој понекогаш на шега знаете да го поносите, овој пат нека биде ваш главен аксесоар. Масивните машки часовници изгледаат привлечно на секоја девојка.

4. Шапка. Можеби не секое момче обожува да носи Федора шапка, меѓутоа ако во неговиот плакар најдете една ваква – позајмете ја!