Негувајте ги ноктите

И покрај тоа што трендовите постојано се менуваат, негуваните, цврсти и уредни нокти секогаш се “ин“. Освен што прилегаат на секоја комбинација, тие се...

 

... одличен моден додаток, затоа што со негувани нокти убавината на рацете е нагласена и без накит.

Без разлика дали се работи за француски маникир, лакирање со впечатливи нијанси на црвена боја или проѕирен зацврстувач, негата на ноктите започнува со грицкалката.

Секогаш треба да ја средите и кожата околу ноктите, меѓутоа внимавајте затоа што нестручно сецкање може да предизвика инфекција.

Тоа е најдобро да го правите со посебни ножички за сечење на кожичките со тенок врв за да имате поголема прегледност. По сечењето следи турпијање, па зависно од квалитетот и цврстината на ноктите потребно е да ја ускладите турпијата. Така на оние со меки и лесно кршливи нокти им се препорачува мека, а метална турпија на оние со цврсти и отпорни нокти.

Меката турпија измијте ја пред секое маникирање за да се спречи размножувањето и ширењето на бактерии. Металните не можат да се мијат толку често.

Турпијата за полирање на ноктите пак, треба да биде што помека за да не се оштети осетливата површина на ноктите.

Кремата за раце која содржи витамин Е е идеална за нега на ноктите и кожичките околу нив. Таа продира длабоко во кожата и ги зацврстува и спречува “листање“ на ноктите.

Отсранувачите на лак за нокти со ацетон иако ги бие лош глас се поделотворни од алтернативните. Помешајте ги со малку вода или масло за нега на ноктите, нема да ја исушат осетливата кожа а брзо ќе го отстранат лакот.