Природни решенија за вашата коса

Познато е дека природните препарати се најдобри за одржување и негување на косата. При тоа, се мисли на разните тревки и билки кои отсекогаш се користеле за лечење, хранење и за разубавување.

Постојат многу традиционални рецепти кои се докажале како делотворни, а најдобро од се е тоа што не се комплицирани и што секој од вас може да си помогне околу проблемите кои ги има со косата, така што ќе си ги направи сам.

Еве некои од нив:

Рузмарин против првут

Првутот често знае да биде непријатен и нормално дека би сакале да се решиме од него. Ако веќе сте ги испробале сите шампони и тој обид завршил без посакуваниот ефект, пробајте го следново: убаво измешајте неколку капки масло од рузмарин со 30 мл маслиново масло и нанесете го во коренот на косата. Косата замотајте ја во крпа и така преспијте ја ноќта. Следното утро, темелно исплакнете ја.

Оваа формула и дава мекост и еластичност на кожата на главата, со што го спречува нејзиното пукање.

Ловор и камилица

Ако вашата коса после долгата зима е сува и без сјај, земете неколку листови од ловор и неколку суви цвета од камилица. Прелијте ги со пола литар врела вода и оставете водата да отстои неколку минути. Потоа процедете ја водата и со нејзе исплакнете ја косата. По ова не ја плакнете повторно со чиста вода.

Тоник за вашата коса

Во еден садставете околу 150 мл јогурт, едно јајце, морски алги во прав и малку рендана кора од лимон. Се добро промешајте и втријте ја смесата во косата, покријте ја косата со крпа и оставете да делува 40 минути. Потоа измијте ја со шампон.