3 комбинации со кожна јакна во летните денови

Кожната јакна е безвеременско парче облека кое лесно се прилагодува на времето и на секој моден стил. Благодарејќи на модерните начини на обработка, различните типови материјали и облици на еко-кожа нејзиното носење не е резервирано само за ладни периоди туку и за летни денови.

Најпопуларното парче облека на секој рокерски имиџ, кожната јакна, многу девојки се почесто ја комбинираат со нежни парчиња облека, како лелеави фустани, здолништа со тренди дезени или пак со прекрасните тоалети од  црвениот тепих.

Јакни кои од една страна се елегантни , а од друга се лежерни, станаа задолжителни и можат да се носат преку ден или во вечерните часови во комбинација со летни чизми до глужд.

Ова се нашите предлози на три можни комбинации со кожна јакна за различни прилики.

1. Елегантен вечерен стил кој совршено одговара со кожна јакна, дури и тие во бајкерски стил.

Овој тренд е присутен скоро секаде на црвениот тепих. Црна боја во овој случај е најдобар избор, со кој ќе се задоволи свечениот аспект  на пригодата.

2. Лежерен дневен стил во кој оваа сезона преовладуваат лелеави фустани и здолништа со дезени кои можат да се комбинираат со кожните јакни.

Избирајте класични кроеви на кожни јакни без премногу додатоци, избегнувајте знакови или премногу патенти. Кај изборот на моделот, одлучете се за кратки и струкирани кои најдобро одговараат со фустаните.

3. Кратки пантолани и кожна јакна е дует кој мора да го имате. Во овој случај слободно играјте си со боите на јакната, од нежна розова, до кобалтно плава.

Оваа комбинација не одговара со штикли, па одберете рамни сандали или популарните летни чизми до глужд.  Што се однесува до моделот, кратка јакна со исплакнати рамена е најдобар избор. Додатоците на јакната во оваа комбинација се добредојдени.