Без игли и конец: Од машка маичка до тренди фустан

Машкиот гардеробер безброј пати послужил како извор на инспирација за покривање на женската силуета. Ние ви претставуваме супер идеи како од обичната машка маичка да направите супер модерна туника или фустанче.

Не се потребни големи кројачки вештини, ниту некој посебен алат, само малку креативност и желба.

Потребен материјал: Машка маичка во било каква боја и било каква големина и ножици

Постапка 1: На предната страна на маичката исцртајте го новиот крој, а истото повторете го и на задниот дел како што е прикажано на сликата.

Вишокот материјал исечете го и ќе добиете две предни траки и една на грбот, која е потребно да ја пресечете на средина.

Предните две ленти заврзете ги, префрлете ги преку рамениците и заврзете ги со задните. И, тоа е тоа, вашата туника е подготвена за носење со кратки, лежерни шорцеви.

Постапка 2: Со креда означете го предниот дел од маицата и страничниот дел кој планирате да го пресечете. Не го фрлајте преостанатиот материјал, туку искористете го за да исечете една долга и тенка трака која ќе ви послужи како мини колан.

Со иста таква трака може да го соберете делот околу вратот. Погледнете ја сликата и сè ќе ви стане појасно.

Овој ефективен и необичен модел на фустан е готов за некоја минута и само чека да го искомбинирате со вашите омилени рамни сандали и впечатлив накит.