Вешто нанесете црвен кармин

Ако сакате да носите црвен кармин, но никако не ви оди од рака правилно да го нанесете, придржувајте се до следните совети и ќе го направите тоа како професионален шминкер.

Огнено

Пред да го нанесете карминот погрижете се усните да ви бидат хидрирани и меки. Најдобар лек за суви усни е пилингот кој ги отстранува мртвите клетки од површината, а би требало редовно да користите и хранлив балсам.

Задолжително молив за усни

Црвениот кармин лесно поминува преку работ на усните и делува неуредно. За да ја избегнете таа грешка, исцртајте ги усните во боја која е слична на вашата природна нијанса.

Салфетка за прва помош

Ако сакате да се ослободите од вишокот кармин, по нанесувањето оставете отпечаток на салфетка или книжно шамиче. Задолжително со себе носете и огледалце за да можете да ја поправите шминката кога не сте дома.