MANGO изненади со новата колекција за претстојната есен/зима 2013

Како што и на врвните дами MANGO им е еден од омилените брендови, така и на секоја девојка која сака да изгледа урбано, модерно и женствено. Оваа есен и зима овој бренд ќе не изненади со малку поразлични парчиња и комбинации од што сме навикнати да гледаме...

Новата сезона во MANGO  доаѓа со забележително влијание на панкот како тренд и неговата естетика - црната и сивата боја доминираат во облеката и модните додатоци, а тука се и тартанот и металните детали како нитните и синџирчињата.

Тексасот е секако неизоставен дел од речиси секоја комбинација и одлично се вклопува со темните материјали и дезени.

Сепак, во колекцијата присутни се и популарните пастелни и земјени тонови за оваа есен, кои пак даваат таканаречен „износен” изглед во комбинација со минималистички принтови.

Доколку сте љубител и го негувате стандардниот есенски стил во оваа колекција ќе имате можност да изберете многу светли и цветни парчиња кои ќе ги разиграат тмурните денови.

Вечерните модели се инспирирани од егзотичниот Ориент, а сè поприсутни се и класичните костими кои се идеални за секоја девојка која го сака елегантниот и префинет стил. Вечерните комбинации повторно се држат до класиката и темните нијанси, со по некое впечатливо парче во силна боја.

Покрај елегантните ноќни комбинации, и деловните жени и девојки оваа есен дефинитивно ќе имаат голем избор на костими во вечните тегет и сиви нијанси. Машката линија е задржата, но женственоста е сепак присутна.