Три чекори до поубав изглед

Дали сте подготвени да започнете програм на вежбање? Самата одлука за тоа преставува првиот чекор кон подобро тело. За да биидете на прав пат кон успехот, ќе ви предложиме некои едноставни стратегии, засновани на научни истражувања, кои можат да ви помогнат да ги совладате вообичаените пречки.

Научете што значи „лесен напредок“

Бидете реални кога станува збор за вашите способности. Експертите советуваат да напредуваме пополека, но повеќето луѓе не знаат што значи тоа конкректно. Луѓето кои порано биле многу активни, на пример бивши спортисти, по подолга пауза можат да бидат непријатно изненадени кога ќе се задишат од лесно џогирање. Aко подолго не сте вежбале, морате да почнете со лесни вежби, на пример, дваесет минутна прошетка, без разлика на некогашната форма. Кога ќе осетите дека сте подготвени за прогрес, зголемете ја минутажата на шетање или бројот на вежби.

Сепак, немојте да претерате бидејќи тоа може да доведе и до губиток на мотивацијата. Исто така, ако сте предвиделе некои вежби кои ви се претешки и кои ве оставаат без здив слободно изоставете ги, подоцна ќе има време за нив.

Водете дневник на активности

Недостатокот на време е главната причина за помалку вежбање отколку е потребно. Сепак студиите покажуваат дека имаме повеќе време одошто мислиме.

Пронајдете го вашето време за вежбање: водете детален дневник три дена и запишете што се работите. Сами ќе заклучите каде може да се вметне времето за вежбање. Времето поминато пред телевизор може да се искористи за лесни вежби, а важните телефонски разговори можат да се направат и додека сте на прошетка.

Подгответе се за глад по вежбањето

Вежбањето може да го подигне метаболизмот на неколку часа, но зголеменото согорување на калории може да го зголеми апетитот. Бидете подготвени, за да избегнете внесување храна по вежбањето (и враќање на калориите што сте ги потрошиле) најдобро е оброкот да се испланира еден час по вежбањето. Ужина која содржи јаглени хидрати и протеини преставува најдобро решение, а тоа може да биде: смоква, диња или јогурт без масти.

Ваквата ужина може да се земе и непосредно по вежбањето и при тоа да не се поништи постигнатотот со фитнесот. Ако сте сеуште гладни, почекајте петнаесетина минути, така ќе бидете сигурни дека гладот е вистински т.е. дека не е од емоционална природа.