Модни грешки кои ниту една жена не смее да си ги дозволи

Кога станува збор за модната индустрија постојат правила кои се создадени за да се прекршат, но и правила кои не смеат да се прекршат.

Затоа внимавајте кога си играте со трендовите, боите и секогаш гледајте она што го носите да ви прилега и секако да бидете едно со облеката.

Можеби досега сте прекршиле некое од овие правила, но следниот пат поправете ја вашата грешка.

Комбинирање на кратко здолниште со високи, тенки штикли

Тука не станува збор за тоа дали сте покажале премногу кожа или не. Кога комбинирате кратко здолниште со премногу високи штикли, тогаш правите една погрешна визуелна рамнотежа, односно не го постигнувате стилскиот ефект кој сте планирале. Краткото здолниште најдобро се комбинира со ниски чевли , балетанки или чевли на платформа.

Еден дизајнер од глава до пети

Без разлика за кој бренд станува збор, кога сте облечени во истиот од глава до пети изгледате како движечка реклама. Ако ви се допаднала куклата од излогот, избегнувајте целосно да купите сѐ од таа продавница и правете комбинации. Најважно е да изградите свој стил и да ја разберете модата надвор од нејзиниот контекст.

Носење облека која едвај ја облекувате

Постои гардероба која е создадена да изгледа преголема на вас или претесна, но кога фармерките едвај ги закопчувате тогаш време е да заборавите на нив. Зошто да носите чевли во кои едвај одите, маичка која едвај ја облекувате, фустан во кој едвај седнувате или воопшто гардероба во која не ви е удобно? Тие работи никогаш не се добра опција.

Стилот ве карактеризира 

Затоа немојте да облекувате нешто во кое се чувствувате туѓи во сопствена кожа. Не морате секогаш да бидете во чекор со последните модни трендови и да облекувате нешто што не ви прилега. Сами бидете свој стилист, вклучете ја креативноста и изразете се преку облеката.