Прирачник за мажи: Кравата или лептир машна?

Кога станува збор за формални настани како венчавки или други свечености, не се само жените тие кои имаат проблем со изборот на гардеробата, туку и мажите...

Еден од проблемот при одбирање на соодветната гардероба кај мажите е и двоумењето меѓу кравата и лептир машната.

Следен пат кога ќе имате ваква дилема, сетете се на овие правила:

Нивото на формалност го одредува изборот

Доколку се одлучите за лептир машна, тогаш треба да размислите околу бојата и дрескодот на настанот кој планирате да го посетите. Ако одите на свечен настан како што е венчавка, тогаш овие свечености вклучуваат строги правила од типот: бела лептир машна, свечено палто во црна боја, чевли во црна боја...

За разлика од овие свечености, модерните настани се толерантни и нивниот дрескод се состои од класични одела во комбинација со црна кравата, кои во минатото биле резервирани само за неформални настани.

Личен стил

Откако ќе го одредите нивото на формалност на свеченоста која планирате да ја посетите, следно на што треба да обрнете внимание е личниот стил, но и на вашата возраст. Средношколците во ниеден случај не треба да посегнуваат по кравата, која за нивните години и стил може да изгледа смешно, а најмалку сериозно.

Во случаи кога краватата е задолжителна, младите треба да си поиграат со различните бои и видови на кравати, а постарите да се задржат до класиката на белото или црното.

Кој модел на кошула одговара?

Кројот на кошулата треба да биде приспособен на вашиот тип на тело и градба, а јаката на кошулата треба да биде во согласност со краватата која сте ја одбрале. Типовите на јаките од кошулите го диктираат начинот на врзување на краватата.

За кравата:

Ако вашата кошула има широка или масивна јака, тогаш јазолот на краватата треба да биде богат и двоен, додека пак за ситните јаки одговара ниска кравата со помал јазол. Идеален тип на јака е онаа која ја создава буквата „V”.

За лептир машна:

Доколку вашиот избор е лептир машната, постојат два типа на кошула соодветни за неа: За поголема формалност одберете кошула со свиткани врвови, додека пак за помалку формален изглед можете да ја земете предвид кошулата со класична јака која повеќе одговара со смокинг и црна лептир машна.

Најважно од сѐ е да го одберете она во кое ќе се чувствувате удобно на настанот кој ќе го посетите. Доколку повеќе ги сакате лептир машните од краватите, тогаш одлучете се за она што повеќе одговара на вашиот личен стил.