Дали е ова најсексапилната буцка во светот?

Ешли Греам (27) веќе 15 години работи како „плус сајз“ манекенка и не се срами да ги покаже своите облини во секси долна облека.

Оваа американска манекенка ги руши сите стереотипи за убавина и докажува дека и полните девојки може да бидат привлечни.

Таа секојдневно слуша навреди за сметка на својот изглед, но не дозволува тоа да ја запре.

Во последните 12 месеци ги красела некои од најпознатите модни магазини, како што се „Elle“ и „Teen Vogue“.

Со оглед на тоа што е заштитно лице на марката „Navabi“ често се фотографира и во провокативна долна облека, а со тоа покажува дека и пополните девојки како неа имаат место на модната сцена.

За тоа често добива отворени критики и навреди. Некогаш дека е многу дебела, па дека е многу темна, па многу бела, дури и дека е многу грда. Сето тоа мора храбро да го издржи.

Сега таа смета дека по лавината од премногу слаби девојки, време е работите да се променат.

Откако се прослави како модел, сега е и моден дизајнер, па има направено своја линија за долна облека за брендот „Navabi“.

Станува збор за долна облека посветена на полните дами кои имаат облини и не се срамат да ги покажат. Најмалата корпа за градници е со ознака DD.

- Одлично е да се види промена во индустријата и возбудена сум бидејќи сакам да видам каде тоа ќе нè одведе. - вели Ешли.

Таа смета дека работите дефинитивно се менуваат бидејќи многу брендови сега имаат линија за крупни дами, а „плус сајз“ манекенките добиваат прилика да се фотографираат за модните магазини, што порано не се случувало.

• 
• 
• 
• 
• 
• 
• 
• 
• 
•