Машки прирачник: Кои копчиња од сакото треба да се закопчани, а кои откопчани?

Правилата за закопчување на сакото се многу поедноставни отколку што мислевте, а се клучни од две причини:

1. Начинот на кој го носите и закопчувате сакото ве „издава“ колку обрнувате внимание на деталите.

2. Во повеќето ситуации, закопчаното или откопчаното сако е клучно во тоа како изгледате и колку ви е удобно во сакото кое го носите.

Сако со едно копче

Повеќето модерни сакоа имаат само едно копче кое треба да биде закопчано кога стоите и се движите, а откопчано кога седнувате - толку е едноставно.

Сако со две копчиња

Првото, односно горното копче треба секогаш да биде закопчано, додека второто никогаш. Ќе изгледате непропорционално затоа што закопчаното сако ќе го издолжи горниот дел, но визуелно ќе ви ги скрати нозете.

Претерано високите мажи треба да го почитуваат обратното правило - првото копче да биде секогаш отворено, а долното секогаш закопчано.

Сако со три копчиња

Постојат две опции - додека стоите средното и горното копче треба да бидат закопчани, а последното повторно да остане отворено. Втората опција е да го закопчате само средното.

Додека седите, повторно важи правилото на сосема откопчано сако.

Сако со двоен ред копчиња

И кај овие модели правилото е едноставно - сите закопчани додека стоите, а сите откопчани кога седите.

Ако веќе сакате да експериментирате, најпаметно е да го оставите откопчан само првиот ред.