Што ќе се носи оваа есен?

Топлите денови се речиси позади нас, а летната облека наскоро ќе мора да ја замениме со потопла. Што ќе се носи оваа есен? Есента е годишно време кога...

 

...треба да инвестирате во неколку нови парчиња.

Неколку основни работи кои морате да ги имате во плакарот се – кратката кожна јакна, кошула и плетено елече. Тие траат по неколку сезони и задолжително мора да ги имате.

Доколку не сакате да експериментирате со боите одберете земјени тонови, нијанси на сива и кафена, маслинесто зелена или црна боја.

Белата кошула исто така припаѓа во есенските комбинации, како и црна или кремаста. Можете да ги комбинирате за секаде.

Црно сако и џемпер со копчиња се одличен избор за дневна комбинација, а најдобро е да ги носитре со фармерки и балетанки.

За вечерните излегувања можете да ги искористите и летните фустани комбинирајќи со чорапи и чевли на високи потпетици.

Високите чевли се повторно хит, но ако дневните обврски бараат многу движење одберете балетанки на место штикли. Оваа сезона мора да имате барем едни високи чизми и тоа најдобро од оние до над колена, а висината на штиклата одберете ја сами.

Боите на оваа есен се дефинитивно сива и црна, а препорачливи се и необични детали. Уживајте во комбинирањето!