Брзо и лесно: Имајте кратка фризура без шишање

Ако ви здодеа фризурата, а никако не сте подготвени за ножиците на вашиот фризер, сепак е можно да направите драстична промена и без шишање.

Во неколку едноставни чекори можете да имате интересна и впечатлива кратка фризура, но и доколку отсекогаш сте се прашувале како ќе ви стои, сега имате можност да пробате.

Погледнете како да си ја направите:

Прв чекор: Косата поделете ја на два дела, горен и долен.

Втор чекор: Горниот дел од косата соберете го со шнола за да не ви пречи.

Трет чекор: Долниот дел од косата фатете го во опавче.

Четврт чекор: Од опавчето направете мала пунџа, па со шноли зацврстете го остатокот од косата.

Петти чекор: Пуштете го горниот дел од косата, а потоа поделете го на повеќе прамени.

Шести чекор: Секој прамен свиткајте го на половина и ставете го долу. Прамените зацврстувајте ги со помош на шноли, но внимавајте да не се забележуваат.

Седми чекор: Откога ќе ги закачите сите прамени, со помош на фигаро нежно поминете ги прамените. На овој начин косата ќе изгледа природно.

Осми чекор: За крај додајте некој интересен детаљ како машничка или венче.

Како ви се допаѓа?