Како да го поправите расипаниот патент, без да го менувате? (фото)

Баш кога најмногу ви требаат омилените фармерки или омиленото палто, ќе ви се случи патентот да ви се расипе. Колку и да тегнете и се обидувате да го одглавите, со сила нема да успеете.

Затоа, добредојден ќе ви биде овој трик, односно овие неколку инструкции кои ќе ви помогнат да го поправите патентот за само 5 минути.

Подмачкување

Првото и најлесно решение кое може да го примените е да истриете восок на патентот. Тоа може да биде свеќа или мрсна боичка. Сапунот исто така е од голема помош.

Без разлика што и да одберете, потребно е добро да го триете патентот од двете страни, заб по заб.

Добра идеја е и безбојниот лак за нокти. Премачкајте го секој заб поединечно, почекајте да се исуши и обидете се да го мрднете патентот од местото каде што се заглавил. Мазната површина ќе ја олесни работата.

Поправање

Потребни ви се само тенки клешти.

Започнете така што ќе го отстраните најгорниот метален заб од патентот.

Потоа извадете го подвижниот дел кој се заглавил.

Добро погледнете која страна е оштетена и стегнете ја со клештите. Најчесто, патентот се заглавува затоа што е широк и при закопчувањето се пропушта некој метален заб.

Вратете го подвижниот дел од патентот.

Потоа и најгорниот метален заб.