13 ненапишани правила кои секој маж во костум треба да ги почитува

Постојат непишани правила околу носењето на костум кај мажите кои треба да ги почитуваат, доколку сакаат да изгледаат елегантно, наместо смешно.

Ова се тие 13 правила кои секој маж во костум треба да ги почитува, пред да го облече.

1. Ширината на вратоврската секогаш треба да е иста со ширината на реверот.

2. Потенките ревери се помодерни, пошироките се „стара школа".

3. Џебното марамче на костумот ќе ви даде пософистициран изглед, сè додека не е во иста боја со вашата вратоврска.

4. Никогаш не одбирајте црн костум наместо сив или темно син, освен ако не присуствувате на гала вечер.

5. Коланот на панталоните секогаш треба да биде во иста боја со вашите чевли.

6. За лежерна комбинација преку ден, секогаш одбирајте костум со едно копче на средина.

7. Доколку сакате да делувате попрофесионално, под костумот секогаш носете елече кое ќе биде закопчано до последно копче, а  костумот не треба воопшто да го закопчувате.

8. Секогаш откопчувајте го костумот пред да седнете, доколку не сакате да го истуткате.

9. Ако носите само елече без горниот дел од костумот, секогаш последното копче оставете го откопчано.

10. Ракавите на кошулата секогаш треба да бидат извадени надвор 1 до 2 сантиметри.

11. Облекувајте црни чорапи за црн костум, бели за бел, црни за сите останати потемни нијанси, но внимавајте секогаш да се доволно долги за да не издаваат воопшто кожа кога ќе седнете.

12. Вратоврската секогаш треба да е во потемна нијанса од вашата кошула.

13. Палтото од костумот секогаш треба да е доволно долго да го покрие патентот на панталоните и вашиот задник.