5 главни машки модели на чевли за оваа есен

Како што температурите се спуштаат, така на ред доаѓаат топлите џемпери и долгите панталони кои најдобро одат со високи и нешто потопли чевли и чизми.

Ако сте маж кој сака да биде во тренд, оваа есен би требало да ги имате на располагање овие 5 модели во шкафчето со чевли:

1. Високи патики

Старките и летните платнени патики сега заменете ги со потопол модел. Патиките до глужд лесно се комбинираат со омилените фармерки и тренерки, па затоа одговараат за секоја опуштена прилика. Задолжителни се, посебно ако сте маж кој негува спортски стил.

2. Моторџиски чизми

Чизми кои најдобро ќе се вклопат со омилената кожна јакна, малку пошироките фармерки и карираната кошула. Изгледот на лошо момче и бунтовник е посебно модерен оваа есен.

3. Челзи чизми

Далеку поелегантни од моторџиските, овој едноставен модел одлично оди со цевка фармерки и панталони. Уште ако се во иста нијанса како палтото, тогаш сте направиле моден погодок.

4. Ниски чевли од превртена кожа

Ниските чевли со врвки, изработени од превртена кожа се фантастичен финиш на секоја елегантна и деловна комбинација. Одберете тегет, кафени или црни чевли, зависно од останатата облека и износете ги на сите деловни или вечерни состаноци. Единствено треба да имате на ум дека не се за дождливо време.

5. Жолти чизми

Сигурни сме дека веќе ги имате, затоа што жолтите чизми се апсолутен хит со години. За сите спортски и опуштени варијанти кога ви треба малку комоција и топлина - тие се совршениот избор.