Враќање во детството: Ѝ дозволила на мајка ѝ да ја облекува и шминка за на работа и за излегување

Кога се навраќаме детството, посебно кога станува збор за изборот на облека кој го правела нашата мајка, најчесто не ни се допаѓаат сеќавањата кои ни надоаѓаат – лоши ролки, смешни пантaлони и што ли уште не.

Една девојка одлучила уште еднаш да ги испроба советите од својата мајка, односно да провери какви избори на облека ќе направи за неа и целосно се препуштила на нејзините совети.

„По 22 години самостоен избор, дали ќе можам да преживеам една недела со облека и шминка кои се целосно избрани од страна на мојата мајка?“ – така го започнува предизвикот Хана Оренстајн.

Прв ден: Понеделник

„Пред да започне денот, мајка ми испрати порака во која ми порача да облечам: бела блуза без ракави, ѕвонасти фармерки, хипи ланче и штикли во месо боја“ – вели Хана, додавајќи дека оваа комбинација на прв поглед и се чинела како премногу секојдневна за да ја носи на работа.

Што се однесува до шминката: „Добив слика од Пинтерест според која треба да нанесам малку сина сенка и да ја соберам косата во репче“.

„Всушност ми се допаѓа како изгледам, посебно мојот задник во овие панталони изгледа одлично“ – дополнува таа.

На крајот од денот добила пофалба и од нејзината пријателка која е стилист за списанието „Wall Street Journal “.

Втор ден: Вторник

„Оваа идеја дефинитивно не ми се допаѓа. Според мајка ми, денес треба да носат свилено здолниште со принт, црна маица, чизми до глужд и темно розов кармин, но исто така, сака да нанесам мачкини очи и да ја средам мојата коса во француска пунџа“.

Комбинацијата на облека и се допаѓа и на Хана, бидејќи како што вели и самата многу често се одлучува за ваква комбинација, но што се однесува до фризурата и шминката морала да ги отстрани мачкините очи и косата да ја пушти, бидејќи на крајот од денот имала состанок.

Трет ден: Среда

Ова е уште еден ден кога треба да носи пунџа, фризура која воопшто не и се допаѓа. Што се однесува до шминката изборот за овој ден се состоел од розови усни и маскара без моливче за очи.

Облеката се состоела од син фустан, магента чевли и свилен шал. „Се срамам од оваа комбинација. Прави да изгледам како стјуардеса, не сакам ни да покажам како изгледав“ – вели Хана.

Четврти ден: Четврток

„Денес уште еднаш требаше да се сретнам со момчето, па ја замолив мајка ми да се одлучи за некоја комбинација која ќе можам да ја носам и на состанокот, за жал комбинацијата направи да изгледам како мало девојче во розово“ – продолжува Хана со своето патешествие.

На овој ден таа требала да носи широко розово здолниште, бела кошула со циркони, виткана коса и розов кармин.

„Сите кои имаа можност да ме погледнат на работа, упатуваа погледи кои навистина не ми се допаѓаа, па бев среќна и задоволна кога момчето ми пиша дека ќе мора да откаже“ – додава.

Петти ден: Петок

„Денес и е роденден на мојата најблиска другарка, па ја замолив мајка ми да одбере нешто за вечера. Одбра црн фустан без ракави, црна кожна јакна и црни високи чизми. Ми се допаѓа комбинацијата, но не е нешто што би го носела на забава“ – вели Хана.

Што научила?

„Не можев да издржам за 6-от и 7-от ден. Едноставно не можев да издржам“ – објаснува Хана.

Нејзината мајка била пресреќна што нејзините пријатели и колеги ја забележале промената, но била незадоволна од фактот што Хана постојано се обидувала да ја преземе контролата назад.

Дали вие би го пробале овој експеримент?