Лековита шминка за Клеопатра

Црната нападна шминка која ја користеле древните Египќани, не само што ги чувала од уроци туку и ги штитела од разни очни болести, тврдат...

 

... научниците од парискиот музеј Лувр и францускиот истражувачки институт ЦНРС.

Силната шминка на очите на древните Египќани, каква што носела и самата Клеопатра, покрај естетски имала и лековити својства бидејќи и ги штитела очите од воспаленија, наведоа француските истражувачи од Analytical Chemistry.

За подгтвување на шминка од олово и оловни соли кои пред 4000 години Египќаните ги користеле како би ги нагласиле очите, биле потребни да се чека и по неколку недели, објаснува Филип Волтер, креатор на оваа студија.

"Знаевме дека и старите Грци и Римјани споменувале дека таа шминка има лековити дејствија, но сакавме да заклучиме на кој начин таа делувала", вели Филип.

Добро познато е мислењето дека оловото е многу штетно за здравјето на човекот. Меѓутоа, истражувачите заклучиле дека кога се користи во многу мали дози олово не ги уништува клетките, туку произведува молекул - азотен оксид, кој има за задача имунолошкиот систем да се брани од бактериите кои можат да ги воспалат очите.