Исповед на модел: Нè третираат како објекти, нè бодат со игли и не ни даваат да одиме во тоалет

Дали некогаш сте се запрашале како изгледа животот на еден модел? Јелена Бабиќ е топ модел кој открива сè за модната индустрија, без криење и на најмалите детали.

23-годишната Јелена досега се има појавено на многу модни ревии во Париз, Њујорк и Милан. Работела со најголемите дизајнерски куќи како „Dior“, „Chanel“, а открива како изгледа да се биде манекенка.

„Кога имав 15 години дојдов во Париз, живеев во стан со пет девојки во 20 квадрати. Спиевме на под на душеци, а околу нас имаше глувци. Сметката за станот ти се одбива од хонорарот“ - открива Јелена.

„Сите те третираат како објект кој нема право на свое мислење. Животот тогаш ти станува посуров и од тоа да бидеш во војска. Агенцијата ти дава неделен џепарлак, но тој е толку мал, што имаш доволно да се храниш само 4 дена“ - додава.

Замислете, немате доволно храна, а работата станува сè потешка и потешка, не само физички, туку и психички.

„Цел ден трчате за кастинзи, а кога е модна недела имате барем 15 дневно“ - објаснува.

Како што таа објаснува со часови стоите на високи потпетици, а потоа кога се враќате дома, немате ни вода за да се истуширате.

Пробите пред модните ревии се најлоши:

„Креациите се најважна работа за модниот дизајнер, па вие морате да стоите како кукла, додека тој на вас ги шие креациите. Ве боде со игли. Ако прашате дали можете да одите во тоалет, тие те прашуваат „А, мораш?“. Ве соблекуваат додека е ладно, а ве облекуваат кога надвор е жешко. Изгубив чувство за сè, ама на моето лице тоа не смееше да се забележи“ - објаснува манекенката.

Н. Г. | Црнобело