10 бои кои ќе ги носиме оваа есен

Секоја сезона си го повлекува прашањето на кое веќе е време да го добиеме одговорот: Која боја на облека ќе биде во мода оваа студена сезона?

Што ги очекува дизајнерите и будните следбеници на модата насекаде низ светот?

Погледнете ги најмодерните бои и нијанси за оваа сезона и изборот на модните дизајнери.

Кадифено сина

Оваа нијанса е нешто помеѓу сина и сива. Изгледа истовремено богато и топло, а најдобро одговара на кадифе.

Замрзнато сина

Небесно сребрените бои се совршени за девојки кои важат за зимски убавици, со руса коса и сини или сиви очи.

Пепелаво сива

Сивата боја веќе неколку сезони е омилена за дизајнерите и активно ја користат во сите нивни колекции.

Црвена

Оваа сезона, нема место за неонските бои и нијанси. Сите бои поминуваат низ филтер кој го намалува нивото на агресија во нив. Дури и црвената боја, која сега изгледа многу благородно.

Боја на кафе со млеко

Една од класичните нијанси што секогаш прави секоја жена да изгледа убаво. Универзална е и одговара на сите девојки, а ќе додаде хармонија на секоја комбинација.

Нежна бордо боја

Бојата на вино веќе освои значителна група на фанови, но сите сакаат да биде во понежна форма. Затоа е направена специјална боја, многу слична на бојата на вино, но во понежна варијанта.

Смарагдно зелена

Длабоко, убаво и неверојатно стилски! Оваа нијанса може да биде опишана во неколку зборови. Идеална е за девојки со есенски стил на облекување, со коса во боја на оган и темни или зелени очи.

Сенф боја

Ниту една жолта нијанса во есен-зима колекциите не е досадна, па и оваа сезона нема да биде изоставена.

Костенлива

Кадифе, антилоп и кожа се на првото место во сите колекции, без исклучок. Овие материјали изгледаат прекрасно во кафено-црвена нијанса.

Освежителна боја на јоргован

Ова е очигледно една од есенските нијанси која целосно се истакнува во есенските и зимски палети на бои. Таа е светла, освежителна и само за храбрите. Одговара на оние кои не се плашат да експериментираат со својот изглед и сакаат да се издвојат од толпата.