Колку пари всушност треба да трошите на облека?

 Речиси сите во душа сме скриени купохоличари. Ништо не може да нè расположи повеќе од едно парче облека. Или повеќе парчиња облека.

Но, тоа чувство речиси секогаш нè тера да трошиме многу повеќе отколку што треба на нова гардероба. Импулсивното купување ни го празни џебот и на крај завршуваме со премногу непотребни парчиња облека.

Финансиските експерти велат дека за облека треба да одвојувате 5% од вашиот буџет. Ако сакате да пресметате колку пари треба да одвојувате месечно за шопинг, само помножете ги вашите нето примања со 0.05.

Сепак оваа формула не одговара за сите. Има многу други фактори што придонесуваат за тоа колку ќе потрошите на облека. Оваа формула е всушност создадена за луѓе кои имаат многу други месечни трошоци.

Докажано е дека луѓето носат само 20% од тоа што го имаат во гардероберот. Ако си поставите реална формула колку можете да потрошите месечно и се држите до истата, тогаш може и да заштедите за патувањето што од секогаш сте сакале да го направите.

A. В. | Црнобело