Стилистката на Бијонсе ја преоблече Барби

Славната кукла во модни изданија, во какви ја немате видено досега.

Американската компанија Мател, која стои зад производството на најлегендарната кукла во светот, досега има соработувано со бројни модни дизајнери и славни сличности.

Сепак, се чини дека последната соработката ќе биде и највозбудливата меѓу нив, откако на ред дојде и жената задолжена за имиџот на поп-пејачката Бијонсе на турнејата „Lemonade“.

Станува збор за Марни Сенофонте, во чие портфолио се запишани и имињата на многу други ѕвезди, како Сијара, Мери Џеј Блајџ, Лорин Хил и Џеј Зи, а нејзината најнова клиентка е токму 58-годишната модна икона Барби.

Во рацете на вештата стилистка, популарната Барби доживеа комплетна модна трансформација, со ултрамодерните изгледи кои Марни ги осмисли само за неа, а следејќи ги најактуелните трендови во моментот.

Специјалната колекција ја слави различноста, па во неа има кукли со секакви облини, како и сите бои на косата и кожата. Секоја од нив е посебна на свој начин, негуваjќи уникатен вкус кога се изборот на облека, деталите и фризурата во прашање.

На радост и воодушевување на обожавателките од сите возрасти, стилските игри на Сенофонте беа откриени во Инстаграм гардероберот на Барби, под називот @barbiestyle, каде собра мноштво симпатии, позитивни реакции и убави коментари од корисниците на социјалната мрежа.

Погледнете ги фотографиите во галеријата и одлучете се - која е вашата омилена комбинација?

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело