Топ избор за на плажа: 4 модни парчиња кои ги кријат сите мани


Топ избор за на плажа: 4 модни парчиња кои ги кријат сите мани

Колку и да вежбате, да се трудите, правилно да се храните, или, пак, да водите животен стил на кој би ви позавиделе и супермоделите, ќе се согласите дека првото соблекување на плажа - најчесто ѝ претставува мала ноќна мора на секоја жена.

top-izbor-za-na-plazha-4-modni-parchinja-koi-gi-skrivaat-site-mani-1_copy_copy_copy.jpg

За среќа, како дизајнерите, така и брендовите за висока улична мода, пронајдоа начини да се изборат со стравот што го зафаќа мнозинството жени во сезоната на годишни одмори.

Без оглед на причината – дали се стриите, целулитот, или, пак, стомакот – постојат четири модни парчиња кои се одличен летен сојузник за сите припаднички на понежниот пол,  особено во првите „разголени“ денови.

Во продолжение, ви откриваме кои се тие, но и каква е актуелната понуда на популарните модни куќи на оваа тема:

1. Кимоно

top-izbor-za-na-plazha-4-modni-parchinja-koi-gi-skrivaat-site-mani-2_copy_copy_copy_copy_copy.jpg

Ништо не ви е повеќе потребно ова лето, а изборот е и повеќе од разноличен. Може да одберете суптилни еднобојни парчиња во нежни светли бои, што секако е подобар избор од темните модели, кои толку силно ги привлекуваат сончевите зраци, што ризикувате да се онесвестите, а тоа никако не е добра опција, зар не? Кој сака да доживее топлотен удар при одењето на плажа? Исто така, не треба ни да спомнуваме колку е голема понудата на цветни кимона по бутиците.

top-izbor-za-na-plazha-4-modni-parchinja-koi-gi-skrivaat-site-mani-3_copy_copy.jpg

2. Туника

top-izbor-za-na-plazha-4-modni-parchinja-koi-gi-skrivaat-site-mani-4_copy_copy.jpg

Туниките навистина не излегуваат од мода. Не е важно дали се работи едноставна бела туника која повеќе личи на кошула, или, пак, модел исполнет со орнаменти – овие мали летни спасители ќе прилегаат на сè. Добар избор се и проѕирните туники, но тогаш сепак станува малку побитно што што ќе носите под туниката. Доколку се одлучите за бела проѕирна туника, одлично ќе изгледа со црвен дводелен костим за капење.  

top-izbor-za-na-plazha-4-modni-parchinja-koi-gi-skrivaat-site-mani-5_copy_copy.jpg

3. Макси кошула

top-izbor-za-na-plazha-4-modni-parchinja-koi-gi-skrivaat-site-mani-6_copy_copy.jpg

Наместо кимоно, можете да се одлучите и за сè попопуларните предимензионирани кошули како ваши летни модни сојузници. Тие мошне добро ги прекриваат стриите и целулитот, но затоа во прв план го ставаат струкот, кој може дополнително да се нагласи и со ремен или некаков појас, како и градите, кои со неколку откопчани копчиња, исто така ќе изгледаат сјајно.

top-izbor-za-na-plazha-4-modni-parchinja-koi-gi-skrivaat-site-mani-7_copy_copy_copy.jpg

4. Парео марама

top-izbor-za-na-plazha-4-modni-parchinja-koi-gi-skrivaat-site-mani-8_copy_copy_copy.jpg

По малку заборавеното парче, кое одново се враќа во мода, се и големите марами што може да се носат на повеќе начини. Може да ги стилизирате како топ, како здолниште, како марама на главата, врзана во турбан, или, како и да мислите дека најдобро ви стои. Со овој шарен летен аксесоар, имагинацијата навистина нема крај.

top-izbor-za-na-plazha-4-modni-parchinja-koi-gi-skrivaat-site-mani-9_copy_copy_copy.jpg

М. А. | Црнобело

Би можело да ве интересира:

7 модни лекции кои мора да ги знае секоја модерна дама Одберете жена чиј стил ве инспирира. Најдовте некое навистина вредно парче? Купе...
Парчиња облека кои секоја девојка по 25-та година треба веќе да ги поседува До 25-та година девојките веќе почнуваат да градат сопствен стил, но во тој пери...
Модни правила по кои се води Меган Маркл, а може да ги следите и вие за стилски изглед Меган Маркл секогаш изгледа совршено од глава до пети, иако не носи скапи парчињ...

Најчитани неделава