За вљубенички во виолетова: Модна инспирација во боја на лаванда

Женствена, нежна и префинета, неодоливата нијанса на лаванда нѐ асоцира на топлите августовски ноќи, а идеална е за создавање прекрасен летен изглед.

Виолетовата палета изобилува со мноштво различни тонови, но ова лето, посебно се издвојува нијансата на лаванда.

Покрај тоа што на најдобар начин го нагласува бронзениот исончан тен, идеална е и за комбинирање со белата боја, па не е случајно што пронајде свое место во колекциите на најпознатите модни куќи.

Облеката во боја на лаванда е соодветна за креирање романтичен, но и деловен стил, па е совршен избор, доколку сакате да ги освежите модните комбинации во текот на месец август.

За таа намена, во актуелните летни колекции ќе пронајдете романтични фустани, блузи и топ маички со голи рамена, или, пак, модни додатоци, како чанти и федора шешири. Topshop предлага помпон обетки во виолетов тон, додека предлогот на Mango се слатки папучи од сатен, кои изгледаат божествено во оваа отмена боја.

Како инспирација, ѕирнете во нашата галерија и погледнете повеќе стилски парчиња и аутфити во прекрасната нијанса на лаванда:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело