Хит за есен: Макси фустани со цветен дезен

Долгите и лелеави цветни фустани, кои евоцираат носталгија по 70-тите години од минатиот век, претставуваат еден од водечките модни трендови за претстојната сезона.

Ерата на 70-тите се враќа низ голема врата на модната сцена, а едно посебно парче – омиленото на многу дами, се наговестува како вистински хит на есента. Станува збор за долгите, макси фустани со цветен дезен.

Често ги поврзуваме со летните дни, меѓутоа, тие се идеални и за првите есенски денови. Всушност, тешко е да пронајдете нешто поудобно, од женствените долги фустани, за да го одбележите заминувањето на старото, а пристигнувањето на новото годишно доба.

Притоа, флоралните макси фустани феноменално изгледаат во комбинација со бомбер јакни, топли џемпери, получизми и патики. Може да ги искомбинирате и со чизми со висока потпетица, а доколку временските услови тоа го дозволуваат, да ги носите и со балетанки.

Есента е во знакот и на меките џемпери, па и тие ќе бидат одличен додаток за макси фустанот. Доколку долгиот фустан со цветен дезен е вашиот избор за на работа, тогаш заменете го џемперот со поформален блејзер.

Во продолжение, погледнете неколку стилски предлози и пронајдете ја омилената инспирација, како оваа есен да изгледате неодоливо во цветен макси фустан:

• 
• 
• 
• 
• 
• 
• 
• 
• 
• 
• 
• 
•  

М. А. | Црнобело