Како да се облекувате како модната блогерка Оливија Палермо?

Класичните бели кошули, храбрите дезени и макси фустаните се дел од омилените модни трикови на модната икона.

Од седењето во првите редови на модните недели ширум светот до учеството во низа глобални кампањи, 31-годишната Оливија Палермо стана суперѕвезда во модната индустрија.

Таа има многу улоги како модел, уредник, креативен директор и дизајнер, но најпозната е по нејзиниот беспрекорен стил.

Со гардеробер кој буди завист во очите на секоја жена и око за комбинирање, Оливија лесно стана модна икона за жените ширум светот.

Еве кои се нејзините модни тајни:

Класични бели кошули

Оливија ја знае вредноста на основите. Впечатливите парчиња често ги смирува во комбинација со бела кошула. Едноставно, свежо и паметно!

Искинати фармерки

Во кежуал пригодите таа обожава релаксирана елеганција, својствена за нејзиниот стил. Неформалниот изглед го постигнува со искинатите фармерки.

Црни чизми на висока потпетица

Овие шик чизми и се омилени на Палермо. Сериозно модерни, но сепак кежуал, тие се вистинскиот избор.

Макси фустани

Нејзиниот стил е разновиден, но секогаш има доза елеганција и приземјеност. Начинот на кој ги носи макси фустаните ја покажува нејзината беспрекорност.

Костими

За специјалните пригоди таа е прекрасна во костими. Трикот да остави моден печат е моќта за правење на стајлингот забавен и женствен со додавање на свои детали.

Ролки

Палермо обожава џемпери ролки, кои се совршени за студените месеци во Њујорк. Кога сака да изгледа комфорно и шик и да ги заврши секојдневните обврски таа облекува вакво парче.

Кожени панталони

Малку острина во стајлингот Оливија додава со кожените панталони. Често тие и се првиот избор за во првите редови на модните ревии.

Црно-бели дезени

Дезените и се омилени на Оливија Палермо. Таа често носи храбри монохроматски принтови.

С. С. | Црнобело