Кендал ѝ ја презема круната на Жизел: Кои се најплатените модели во светот?

После деценија и половина на врвот, кралицата на модните писти и официјално е симната од тронот.

Секако, станува збор за бразилската манекенка Жизел Бундшен, која цели 15 години беше најплатениот женски модел во светот, но сега на престолот ја замени нејзината помлада колешка.

Според топ листата што ја направи престижниот магазин Forbes, најголема заработка во 2017 година остварила 22-годишната Кендал Џенер.

Во текот на минатата година, младата убавица заработила вртоглави 22 милиони долари, додека заработката на Жизел опаднала за дури 43 проценти во однос на 2016-та, односно инкасирала „само“ 17.5 милиони долари.

Кендал заработи милиони како заштитно лице на различни кампањи, а не смее да се заборави ниту нејзиното појавување во семејното шоу „Keeping Up With The Kardashians“. Тука се и многубројните насловни страни, иако тие не се ни приближно платени како кампањите.

Наспроти тоа, многумина и понатаму сметаат дека таа воопшто не ја заслужува манекенската кариера, која буквално ја „купи“ со познатото презиме.

После Кендал и Жизел, трета најголема заработка има Криси Тајген. Се работи за сума од 13.5 милиони долари, а ја стекна со својот готвач и рекламите што таа ги сними.

Во продолжение, погледнете кои се десетте најплатени модели во светот:

1. Кендал Џенер (22 милиони долари)

2. Жизел Бундшен (17.5 милиони долари)

3. Криси Тајген (13.5 милиони долари)

4. Адријана Лима (10.5 милиони долари)

5. Џиџи Хадид (9.5 милиони долари)

6. Роузи Хантингтон-Вајтли (9.5 милиони долари) 

7. Карли Клос (9 милиони долари)

8. Лиу Вен (6.5 милиони долари)

9. Бела Хадид (6 милиони долари)

10. Ешли Греам (5.5 милиони долари)

М. А. | Црнобело