Портокаловиот дуксер - симбол на вечна младост: Celebrate Life - Eternal Youth колекција зима 2017

10-та сезона за DIY етикетата на графичкиот дизајнер Горан Костовски - ind.o.g не потсетува на вечната младост и духот на прогресот и безгрижноста.

Дуксот е инпириран од еден вртлог на повеќе сензации.

Основната инспирација е од албумот на Frank Ocean - Channel Orange, чија пак главна инспирација е летото и периодите кога тој прв пат бил заљубен. Затоа, и е избрана портокаловата боја која потсетува на летото и убавите спомени од него.

Истовремено, големо влијание колекцијата има и од Американскиот hard core punk бенд Youth of today коишто се клучни во Youth crew субкултурата особено заради позитивните вредности и моралот за која таа се залагала.

Младоста сама по себе е секогаш позитивна и присутна во сите Celebrate Life производи.

Зима 2017-та инспирира и потсетува на духот на 80-тите кога Youth of today започнува да свири. Секако, атмосферата не може да се долови целосно но, затоа локацијата на Стоковната куќа Мост (објект од суштинско значење) која што била активна тој период не навраќа кон тоа време и духот на Старата Скопска чаршија којашто секогаш била симбол на мултикултурата во градот Скопје.

Субкултурата којашто секогаш била присутна па дури и во исчезнување, е вечна инспирација за секоја нова сезона на Celebrate Life.

Оваа сезона, за втор пат се појавува и текст на кирилица што е многу голема реткост на унисекс облеката.

Фотосесијата е дело на младата Јана Тодоровска, а во нејзе се појавуваат Кирил и Ивана во уметничка дирекција на ind.o.g и постпродукција на Марко Монс. Лимитираната серија овој пат има и сито графика принт, потоа мултиплициран на фотокопир технологија присутна во 80-тите која што е во исчезнување и веројатно помладата публика никогаш не го сретнала овој медиум.

Eternal youth
Make it happen
We're starting a new way
People In the world today
Youth of today!!!