6 совети како да формирате личен стил и да се држите до него

„Препознатлив стил“ е фраза која често ја слушаме кога е во прашање модата, но што точно значи истата?

Ако обрнете внимание на познатите личности, кои важат за модни икони, можете да заклучите дека секоја има нешто препознатливо во стилот, без разлика дали е тоа е фризура, модни додатоци или начин на комбинирање на парчињата облека.

Сепак, вистината е дека не мора да бидете ѕвезди за да формирате свој личен препознатлив стил. 

За да го постигнете тоа применувајте ги следниве неколку совети:

Осознајте ја формата на вашето тело - ова е многу важен чекор во создавањето на стилот, бидејќи на основа на вашето тело, понатаму ќе ги бирате парчињата облека што ви одговараат.

Фотографирајте се во различни комбинации за да можете веднаш да ги отфрлите оние модели што не ви одговараат.

Разгледајте ја својата гардероба и најдете што е заедничко меѓу вашите омилени парчиња облека. Тоа ќе ви помогне и понатаму да избирате фустани, маички, панталони и модни додатоци кои одговараат на вашиот стил, без да лутате по продавници испробувајќи и експериментирајќи.

Истото важи и за шминката и фризурата.

Купувајте облека што знаете дека ќе ја облечете повторно - избирајте ја гардеробата така што ќе може да ја комбинирате на повеќе начини, без ограничувања.

На пример, една кошула може да ја комбинирате и со соодветно здолниште, со панталони, под сако, со различни чевли и накит, а сепак да останете препознатливи.

Препознајте што никогаш не би купиле - се случува нешто да ви се допаѓа, навидум да ви стои убаво, но сепак да не е во ваш стил. Не ги купувајте овие парчиња, било да се работи за конкретен модел, боја или моден додаток.

Најдете ги боите кои ви одговараат – Направете го изборот врз основа на вашиот тен, бојата на косата и бојата на очите. Усогласете ги боите со тоновите на вашата кожа. Пробајте повеќе бои и така лесно ќе може визуелно да одредите кои ви одговараат.

Избегнувајте да бидете „во униформа“ - да го најдете сопствениот стил не значи да имате ист модел во повеќе бои и материјали, ниту пак целата облека да ви е во блиски нијанси на истата боја.

Да ја најдете формулата за вашиот препознатлив стил не значи дека секогаш треба да изгледате исто, туку напротив, да постои поврзаност и да оставите личен печат на секоја комбинација. 

С. У. | Црнобело