Бизарни трендови: Модели на патики што ќе бидат апсолутен хит оваа година

Иако е само втор месец од годината, трендовите што ќе ја одбележат полека почнуваат да се појавуваат на модните писти и во продавниците.

Овојпат разгледуваме што ќе се нуди во поглед на патиките, кои бои и модели ќе бидат застапени и како истите да се вклопат во секојдневниот изглед.

Смирени тонови и големи ѓонови

Изразените ѓонови на патиките во бела боја, пастелни бои и со металик детали ќе направат секоја дневна комбинација да изгледа ултрамодерно.

Не морате да мислите на други модни додатоци, бидејќи ваквите патики сами по себе се доволни.

Модерно-спортско, а не само за на фитнес

Класични патики кои вообичаено би ги носеле на вежбање, трчање или пешачење одлично може да се вклопат во модерни комбинации, со соодветно избрани фармерки, блузи и мантили.

Изберете класични комбинации, на пример бели патики со сини или црвени детали на нив.

Модели што потсетуваат на трендовите од 90-тите

Шарени патики со многу детали, често во интензивни неонски нијанси и испечатени апликации на нив, се инспирирани од поп-културата или пак претставуваат дело на соработка помеѓу спортски компании и познати личности.

На пример, нешто како моделите на Конверс дизајнирани со помош на Ози Озборн и слично. Ако не сте доволно храбри за „дречливи“ бои, за почеток обидете се со посмирени тонови.

„Грди“ патики

Овие модели не се за секого и дефинитивно отстапуваат од класичниот изглед на патиките. Може да ги најдете во облик на обувка без врвки, со детали кои изгледаат како да не се за таму, но и во чудни бои кои често не би ги носеле.

Брендовите како Гучи и Баленсиага веќе имаат нешто такво во своите следни колекции.

Женствени патики

Дизајни наменети само за жени, што се комбинираат со фустани, здолништа и други парчиња облека што инаку никогаш не би ги искомбинирале со патики.

Следете ги вашите омилени брендови и чекајте да видите што ќе понудат тие за женската популација следната сезона.

С. У. | Црнобело