Исклучителен матурски изглед со Aristoteli Bitsiani


Исклучителен матурски изглед со Aristoteli Bitsiani

Како и секоја пролетна сезона, Fashion Group изработи нов водич за матуранти со кој ги предлага најновите трендови и парчиња од брендот Aristoteli Bitsiani. Специјалниот едиторијал е фотографиран во прекрасниот објект на Македонска Филхармонија, сликан од објективот на Ани и Дими. Како модел се појавува младиот Христијан Стојаноски од Моделс Ин, шминката е на Васе Доковски.

isklucitelen-maturski-izgled-so-iskluchitelen-maturski-izgled-so-aristoteli-bitsiani-01.jpg

Минималистичкиот простор на филхармонија совршено доаѓа во контраст со комбинациите кои се предлагаат за оваа сезона, притоа истакнувајќи го уникатниот формален стил. Волуменскиот простор, прекршувањето на светлината, целокупната комбинација на парчињата, моделот и фотографот создаваат слики од безвременска димензија.

isklucitelen-maturski-izgled-so-iskluchitelen-maturski-izgled-so-aristoteli-bitsiani-02.jpg

Инаку, во пролет-лето колекцијата доминираат пастелните нијанси на палтата и панталоните, на кои преовладуваат суптилни шари и текстури. Кошулите се збогатени со различни дезени, а деталите се поуникатни од кога било – џебни марамчиња со флорални мотиви, точкест дезен на вратоврските и цветови во секакви бои кои се закачуваат на реверот и се највпечатливиот детаљ во колекцијата. За оние кои сакаат покласичен изглед – црниот смокинг во Џемјс Бонд стил е разигран со додатоци во импресивна црвена боја, па не плашете се наместо црни чевли да го искомбинирате со мокасини со реси во лакирана „огнена“ нијанса.  Едноставното тегет одело збогатете го со контрастни бои – портокалови детали на вратоврската и необичен цвет на реверот.

isklucitelen-maturski-izgled-so-iskluchitelen-maturski-izgled-so-aristoteli-bitsiani-03.jpg

Водичот наскоро ќе биде достапен во продавниците Bitsiani, како и на онлајн страната на Fashion Group. Доколку сакате исклучителен матурски изглед, одлучете се за парчињата на Aristoteli Bitsiani!

isklucitelen-maturski-izgled-so-iskluchitelen-maturski-izgled-so-aristoteli-bitsiani-04.jpg

Би можело да ве интересира:

Чизми до глужд со кои стилски ѝ кажуваме „добредојде“ на есента Чизмите до глужд се единствените обувки кои се чини дека никогаш нема да излезат...
10 мали стилски тајни од Амал Клуни за изглед без грешка Сопругата на Џорџ Клуни, Амал, секогаш изгледа беспрекорно во секоја пригода и в...
Трендовите се предлози, а не правила: Модни тајни кои секоја девојка с... Секоја девојка до одредена возраст треба да има изградело свој стил по кој ќе се...