6 чанти кои ќе бидат во тренд ова лето

Време е да се подготвиме за најубавата сезона - лето. Основен моден додаток на секоја жена за секоја сезона се токму чантите, па затоа ви претставуваме 6 видови на чанти, кои ќе ги гледате насекаде наскоро.

Чанти со бисери

Не зборуваме за чанти со неколку бисерни детали, туку за чанти целосно изработени од бисери. Овие убавици многу брзо ќе станат вашиот омилен додаток.

Плетени големи чанти

Минатото лето сламените чанти направија вистински бум. Беа омилен додаток на секоја модна блогерка. И ова лето очекувајте да ги гледате често. Плетените чанти навистина се задржаа во срцата на модните фанатици.

Малечки торбички

Се сеќавате на малечките торбички во кои се чува накит? Епа овие торбички се потполно исти со мала разлика во димензиите. Нема да соберат многу, па не очекувајте да ги носите на работа, но изгледаат одлично за вечерно излегување или прошетка.

Чанти со полукружна рачка

Овој тип на рачки денес може да го сретнете кај огромен број на дизајни. Лесно може да ги носите во рака, доаѓаат во различни димензии и форми и многу брзо ќе ви станат омилениот аксесоар.

Торби за на „пазар“

Торбата која вашата баба ја носи за на пазар сега може да ја носите насекаде. Со моќта на славните дизајнери сега овој вид на чанти стануваат навистина популарни.

Малечки дамски чантички

Доколку минатата сезона се носеа огромни чанти кои можат да го соберат вашето милениче и сите останати работи кои секојдневно ги носите со себе, сега популарни се мини дамските чантички.

К. Д. | Црнобело