Каков градник да носите под различни аутфити за никогаш да не изгледате невкусно и без стил?

Во гардероберот на модерна девојка се наоѓаат многу различни парчиња облека и долна облека.

Но, иако големиот избор е добар, сепак понекогаш може да направите грешка и да го уништите целиот изглед само со едно погрешно парче долна облека, посебно градник.

Независно колку добро сте облечени, ако градникот е несоодветно искомбиниран со аутфитот, доловувате сосема погрешна и невкусна слика.

Време е да престанете да правите грешки и да обрнете повеќе внимание на градникот како модно парче.

Големина и модел

Прво и најважно при бирањето градник е големината според обемот, но и моделот според обликот на градите, на пример:

• За големи заоблени гради – градник со жица, со широки прерамки и затворени заоблени корпи
• За гради во облик на солза – одберете градник со цврсто затворање и кој ќе ги подигне градите нагоре, а не да ги држи рамно
• За гради во облик на конус – класичен градник

Боја

Градникот треба да одговара со бојата на облеката, но треба да бидете внимателни, на пример, на бела кошула, помалку се познава градник во боја на кожа отколку бел.

Лесните материјали ја откриваат долната облека, па одберете градник кој се совпаѓа со бојата на вашата кожа.

Ситуацијата е поразлична кога носите проѕирна облека – класичен градник не е секогаш соодветен, но стилски топ или бралет ќе изгледаат одлично.

Ако сакате шарени градници, носете ги под непроѕирни блузи и џемпери.

Цел

Исто така важен критериум е за каква пригода ви е потребен градник. Ако одите на вежбање, треба да облечете спортски градник, ако одите на забава каде ќе играте, треба да носите градник со добар и цврст затворач.

Обичниот модел во беж боја е соодветен за секојдневно носење, но чипкастите градници со декоративни детали оставете ги само за специјални, неформални пригоди.

Компатибилност со облеката

Освен чипката, има и други работи кои треба да ги вклопите соодветно во аутфитот, односно да ги прикриете:

• Носете мазен градник без детали под облека со мазен и тенок материјал
• Не ги заменувајте обичните со силиконски прерамки – и тие се видливи!
• Ако деколтето е предлабоко, одберете силиконски лепенки наместо градник
• Ако носите горен дел со тенки прерамки, тогаш прерамките од градникот не треба да се гледаат
• Ако носите облека со голем отвор околу вратот, носете градник со длабока линија на корпите кој нема да се гледа одозгора

М. М. | Црнобело