5 грешки со фармерките кои речиси сите ги правиме

Фармерките се безвременско парче облека и речиси и да нема личност која не поседува барем еден пар. Лесно се комбинираат за повеќе пригоди и никогаш не излегуваат од мода.

Но, се чини дека ретко кој знае како правилно да ги чува и одржува, па со тоа им се скратува таканаречениот животен век.

Ова се петте најчести грешки кои најверојатно ги правите:

Носите несоодветен број

Купувањето фармерки со несоодветна големина е голема грешка. За нив е важно да ви бидат точни, за заедно со нив да изградите уникатен стил. Купувајте го точниот број и носете ги неколку часа откако ќе ги исперете, за да видите колку ќе се рашират и дали ќе ви стојат како што треба.

Ги перете пречесто

Ова е една од најчестите грешки. Дури и самите производители на фармерки советуваат да ги перете кога се очигледно нечисти. Во просек, треба да ги перете после пет до седум носења.

Ги перете неправилно

Запомнете го ова правило: Фармерки се перат превртени со надворешната страна кон надвор. На овој начин ја заштитувате бојата. Треба да перете на 30 степени и да не ги мешате со светла облека.

Не ги кратите ногавиците

Ако ви се влечат ногавиците по подот, треба да ги скратите соодветно на вашата височина.

Ги изложувате на премногу топлина

Машината за сушење и пеглата не се пријатели на џинсот. Најдобро е да ги сушите природно, дури и ако тоа одзема повеќе време отколку што би одземала машината за сушење.

Е. Д. | Црнобело