Изуми на Коко Шанел за кои жените засекогаш ќе ѝ бидат благодарни

Коко Шанел е можеби најпознатата дизајнерка на сите времиња, и тоа со причина. Модната пионерка им овозможи на жените да се облекуваат послободно и создаде култни модни предмети кои ги носиме и денес.

Во продолжение погледнете ги најголемите модни изми на Коко Шанел за кои сите жени ѝ се благодарни:

Бижутерија

Речиси и да не можете да најдете фотографија од Коко Шанел без нејзините лажни бисери. Всушност, таа била првата што почнала да дизајнира бижутерија – правела накит од синџирчиња, бисери и стакло и го комбинирала со нејзината облека.

Идејата за бижутерија ја добила сакајќи да им помогне на сите жени да можат да си дозволат накит.

Женски панталони

Пред 80-тина години, панталоните беа парче облека наменето само за мажи, но Коко Шанел засекогаш го промени ова.

Таа сметала дека и жените ја заслужуваат слободата што ја нудат панталоните, а пресвртот се случил кога сфатила дека не може да јава коњ со здолниште.

Женски костими

Коко ја добила идејата за женски костими од машките одела. Костимите станале совршената комбинацијата за жените кои сакале да градат кариери во свет каде што доминирале мажите.

Маица со морнарски риги

Коко црпела многу инспирација од нејзиниот дом, па додека ги набљудувала француските рибари со маици со риги, сфатила дека тие ќе изгледаат одлично и на жени.

Коко ја дизајнирала наједноставната верзија на маица со риги, а подоцна дизајнот е префрлен и на обувки, чанти и други додатоци.

Темен тен

На почетокот на 20-тиот век во мода бил светлиот ден, а црната кожа се поврзувала со ниската, односно работничката класа.

Но, еднаш Коко случајно изгорела, а кога се вратила во Париз сите се восхитувале на нејзиниот нов тен. Па така сончањето стана тренд што никогаш нема да остаре.

Мал црн фустан

Денес речиси и да нема жена што не поседува мал црн фустан, а доколку имате и вие, заблагодарете ѝ се на Коко Шанел. Коко сакала да создаде фустан што ќе им биде достапен на жените од сите слоеви.

Црниот фустан може да се носе на безброј начини, па Коко го направила најпосакуваното парче облека. Малиот црн фустан прв пат бил претставен во 1926-та година и до денес ја има истата моќ.

Спирова С. | Црнобело