5-те најголеми модни промашувања на славните за изминативе 10 години

Без разлика што познатите имаат цел тим кој се грижи за нивниот изглед, и тие не се имуни на модните грешки. А, некои од нив се толку катастрофални, што можат да ги прогонуваат со години.

Една анкета покажала дека преголемите чевли на Меган Маркл и цветниот фустан на Ким Кардашијан се најголемите модни утки за оваа деценија.

Во анкетата учествувале над 8 милиони жени, кои гласале за најлошите модни избори на познатите за изминативе 10 години.

„Победниците“ можете да ги погледнете во продолжение:

Џема Колинс

38-годишната британска ријалити ѕвезда во 2017-та година го подели мислењето на јавноста. Причината беше нејзиниот фустан од Gerda Truubon.

Џема го комбинирала портокаловиот фустан со широки рамена со бронзени модни додатоци.

Иако ѕвездата е модна инспирација за многу плус-сајз жени, мнозинството се согласуваат дека ова е нејзиното најлошо издание.

Лејди Гага

Нема некој што не се сеќава на фустанот „од месо“. 33-годишната пејачка зазеде политички став, кога на доделувањето на VMA во 2010-та се појави во фустан направен од аргентинско говедско месо.

Гага откри дека значењето на фустанот може да се толкува на неколку начини, но и дека покажува дека таа не се гледа како „парче месо“.

Мајли Сајрус

Мајли ги помести границите на модата со неколку комбинации кои го привлекоа вниманието на доделувањето на MTV наградите во 2015-та.

27-годишната пејачка дојде на настанот со сребрен костим што оставаше малку простор за фантазирање.

Подоцна Мајли се појави уште во неколку контроверзни комбинации, вклучувајќи и транспарентен фустан од Versace.

Ким Кардашијан

Неодамна, Ким откри дека фустанот од Givenchy што го носеше на Мет галата во 2013-та правел да се чувствува несигурно.

39-годишната ѕвезда тврди дека била советувана од најдобрите од модната индустрија да облече цветен фустан во бременоста. Подоцна, таа откри дека буквално плачела кога ги видела шегите на интернет на нејзина сметка.

Меган Маркл

И војвотката од Сасекс се најде на листата, но не поради лошата облека, туку поради преголемите чевли.

Во 2017-та година, кога ја објавија свршувачката со принцот Хари, Меган носеше чевли од брендот Aquazzurra, за кои сите забележаа дека се преголеми.

Спирова С. | Црнобело