Бидете згодни

И мажите како и жените меѓусебно се разликуват по градбата: некои се изразито високи и слаби со тесни рамења, долги раце и нозе, некои се атлетски...

...градени, со јасно обликувани и затегнати мускули.

За жал, повеќето се со прилично заоблена маса. Како ќе изгледаат пред сè зависи од генетиката. Меѓутоа, многу допринесува и начинот на живот. Затоа, не треба да се верува дека во одредени години повеќе не сте во состојба да го поправите својот физички изглед.

Некои работи можат да се поправат со наједноставно контролирање на исхраната, или со одредени корективни вежби. Повеќе овошје и зеленчук, а помалку мрсна храна - ете ја формулата за почеток.

Аклохолот, цигарите и кафето излегуваат од игра ако сакате да бидете фит. Наместо нив, имјте физичка активност, од вежби во станот, до возење точак или одење во теретана. Задолжително слушајте го разумот - немојте да претерувате со напорот ако претходно не сте се спортувале.

Наместо да очајувате, поттикнете ги елементите за зголемување на издржливоста, силата и еластичноста. Секој пат имајте на ум дека драстични промени во краток рок се невозможни. Градбата со која ве надарила природата можете само до некаде да ја прлагодите на своите желби, што не значи дека може да се опуштите, особено ако по природа сте крупни и добро градени.

Немојте да поминувате премногу време покрај телевизор со задолжителна конзерва пиво во рака и со разни грицки во скут. Никој не може да ве присили да вежбате ако вие тоа не го сакате, но барем повеќе шетајте и водете сметка за оброците за да не се поправите.

Доколку ви е потребно преобликување на вашето тело со сопствена упорност, немате ниту една добра причина да си ја отежнувате работата. Соберете сила, зауздајте се и променете го изгледот, се разбира на подобро.