Модни грешки што сите ги правиме во комбинациите со фармерки

Ако имате пошироки колкови, избегнувајте да носите долго тесно палто со тесни фармерки, а доколку носите модел со широки ногавици, немојте да го комбинирате со ниски чевли.

Сите сме „виновни“ за правење по некоја модна грешка која е целосно модно промашување.

Кога станува збор за фармерки, погледнете кои се најчестите:

Тесни фармерки и долго тесно палто

Нема ништо лошо во оваа комбинација, но повеќе им стои на послабите луѓе. Ако имате широки колкови, со долга тесна јакна ќе изгледате уште пошироко, бидејќи таа ја крие половината, а ги нагласува колковите и задникот.

Ако сакате долга јакна, во комбинација со фармерки многу подобро ќе ви стои широк модел. Од друга страна, ако тесната јакна е кратка, ќе изгледа многу добро во комбинација со тесни фармерки.

Фармерки и чизми

Ако имате пошироки нозе и облечете фармерки и чизми кои завршуваат кај листовите, вашите нозе ќе изгледаат пократко. Покрај тоа, кај овие модели дел од фармерките е во чизмите, а поради ова вашите листови можат да изгледаат пошироко.

Во овој случај многу подобро е да носите чизми до колена. Или, можете да носите чизмички до глуждот со кои нозете ќе ви изгледаат многу подобро.

Фармерки во комбинација со други парчиња од тексас

Фармерките и тексас палтото можат да бидат одлична комбинација, но најдобро избегнувајте да ги носите со други детали од тексас.

Ако сакате да носите чевли, шешир, чанта или што било од тексас, немојте да ги комбинирате со фармерки, туку со парчиња од друг материјал.

Панталони со широки ногавици и ниски чевли

Овој модел има цел визуелно да ги издолжи нозете, па најдобро стои во комбинација со штикли. Можеби и сте забележале дека овие модели секогаш имаат подолги ногавици, токму од оваа причина.

Со ниски чевли многу подобро стојат тесните фармерки.

Пократки фармерки и чизмички

Чизмите до глужд во комбинација со пократки фармерки или подвиткани ногавици можат да направат вашите нозе да изгледаат пониско и пошироко.

Покрај тоа, моделите со пократки ногавици обично се за потопло време, па изгледаат многу подобро со патики, балетанки и слично.

За постудените месеци, комбинирајте ги ниските чизми со тесни долги фармерки.

Спирова С. | Црнобело