9 совети со кои најдобро ќе одредите дали облеката ви е навистина точна

Кога купувате облека, не е важен само нејзиниот изглед, туку многу поважно е да го одберете вистинскиот број.

Но, бидејќи сите луѓе имаат различна градба на телото, а и конфекциските броеви можат да бидат различни од една до друга продавница, може да биде тешко да го одберете парчето со вистинската големина.

Затоа, погледнете на што треба да обрнете внимание за да знаете дека сте купиле облека со точен број:

Ракавите не треба да се подолги од прстите на раката

Ако ракавите на блузата, џемперот и слично ги покриваат вашите прсти, тогаш се предолги. Најдобро е должината на ракавите да биде до средината на вашата дланка.

Не треба да ви се гледаат чорапите кога сте застанати

Кога станува збор за долги панталони, вашите чорапи не би требало да се гледаат кога стоите. Исто така, ако ногавиците се набрани на долниот дел, тоа значи дека се предолги.

Најдобро е кога сте застанати, ногавиците од долгите панталони да завршуваат точно на вашите чевли.

Копчињата од кошулите и блејзерите не треба да бидат затегнати

Ако материјалот околу копчињата на кошулите е премногу затегнат кога ќе ги закопчате, дефинитивно ви треба поголем број.

Рабовите на горниот дел од блузата треба да имаат иста должина како рамената

Кога купувате блузи, секогаш обрнувајте внимание на горните рабови. Тие треба да имаат иста должина како и вашите рамена, а не да „висат“ од нив.

Џебовите на панталоните не треба да се познаваат

Ако џебовите на панталоните се познаваат кога ќе ги облечете, тоа значи дека или ви треба поголем број, или тој модел не одговара на вашата конструкција.

Џебовите од панталоните треба да се „залепени“ за вашите нозе.

Облеката мора да ви биде удобна

Ако не се чувствувате удобно во некое парче облека, најверојатно треба да пробате друг број. Кога, на пример, ги кревате рацете, не треба да се крева и блузата или да чувствувате затегање.

Обично машките панталони не треба да се залепени за телото

Освен ако не купувате тесен модел, машките панталони не би требало да бидат залепени за нозете.

Исто така, ако чувствувате затегање додека се движите, добро би било да пробате поголем број.

Чевлите не треба да ви предизвикуваат рани на прстите

Ако чувствувате болка и ви се појавуваат плускавици на прстите од чевлите, тоа значи дека тие се мали за вас.

Исто така, кога носите чевли вашето стапало треба да биде прицврстено и да нема простор за лизгање. Во спротивно, чевлите се големи за вас.

Појасот на панталоните и здолништата не треба да се крева додека се движите

Штом појасот од вашето здолниште или вашите панталони се крева нагоре додека се движите, најдобро е да купите поголем број.

Спирова С. | Црнобело