„Добиваш загарантирана настинка“ – Новиот хит џемпер на Викторија Бекам предизвика онлајн дебата

Викторија Бекам објави нова малку „поризична“ креација на џемпер што предизвика низа реакции кај љубителите на модата. Дали вие би го носеле ова во есен или во зима?

Некогашната членка на Spice girls во последните години важи за моден авторитет, а веќе е подготвена за есенскиот период и ја претстави својата нова колекција, од која особено внимание привлече еден џемпер.

Во својата кариера Викторија ретко отстапува од веќе омилените кроеви, па така ова парче беше нешто сосема ново за неа.

Џемперот со ролка има целосен отвор во пределот на деколтето предизвика онлајн дебата - дали е ова есенско/зимско парче облека?

Во дел од коментарите што беа објавени до нејзините фотографии, голем дел од нејзините следбеници коментираа дека дефинитивно им се допаѓа овој нов необичен џемпер, а дел се прашуваа дали ова воопшто е практично за есен.

„Ќе добиеш загарантирана настинка и затворени дишни патишта“ - стои во еден од коментарите.

Некои отидоа дотаму, што предложија, наместо отвор да се направи мрежест дел.

Дел од Твитер реакциите за новиот џемпер кој веднаш стана хит:

„Не го разбирам џемперот, но ми се допаѓа“.

„Со овој џемпер, доколку немате гради, имате можност тоа и да го покажете“.

Инаку, освен за креацијата Викторија Бекам беше критикувана и за тоа дека не е доволно инклузивна кога станува збор за позитивниот поглед кон телото и дека создава креации само за витки девојки и жени.

Сепак, има и такви што се вљубени во формата и во кројот. Што мислите вие?

Б. С. Б. | Црнобело