Мали модни грешки што можат да ја расипат и најдобрата комбинација

Постојат неколку модни грешки кои иако мали, можат да го уништат целиот ваш изглед. Повеќето луѓе ги прават овие грешки бидејќи не ни обрнуваат внимание на ваквите ситници, но добро би било да ги избегнувате бидејќи дефинитивно се забележливи.

Добриот изглед не значи дека треба да потрошите цело богатство на облека и додатоци – некогаш потребно е само да обрнете внимание и на ситниците за да изгледате беспрекорно.

Погледнете кои се грешките што можат да ја уништат и вашата најдобра модна комбинација:

Панталони што се влечат по земјата

Нормално е широките панталони да бидат подолги, но не и да се влечат по земјата. Најдобро е ногавиците на панталоните да завршуваат околу еден сантиметар од земјата.

Кога ги купувате (или кратите) панталоните, не заборавајте да мерите според чевлите со коишто планирате да ги носите.

Погрешен број чевли

Можеби никој нема да забележи ако чевлите се некој број поголеми или помали, но вие сигурно ќе ги почувствувате последиците.

Чевлите секогаш треба да ви бидат точни за да ви ја дадат потребната поддршка и за да ги избегнете проблемите како болки и неправилно држење на телото.

Покрај тоа, ретко кој може да оди нормално со чевли со погрешен број, а ова дефинитивно е забележливо.

Видлива долна облека

Кога правите модна комбинација, мора правилно да ја одберете и долната облека. Дури и да ја носите најубавата блуза, таа нема да изгледа добро ако ви се проѕира градникот.

Иста чанта за секоја пригода

Важен детаљ во секоја модна комбинација е и чантата.

Нормално, не секој може да купи многу чанти, но нема ни потреба од тоа. Сосема доволно е да имате една чанта за лежерни и една за посвечени комбинации.

Разбушавено репче

Иако неуредните пунџи и репчиња се хит, сепак не треба да бидат премногу бушави.

Кога ја собирате косата во опавче, ќе изгледа многу подобро ако ја соберете поцврсто, наместо да оставете прамени разлетани на сите страни.

Продолжува на следната страница...