„Некогаш чинеа 5, а сега 400 евра“ – Новите сандали на Gucci, инспирирани од југословенските, се хит на Твитер

„Кога на сандалите од поранешна Југославија ќе го ставиш овој знак, цената расте на 400 евра“ – коментираат твитерџиите за новиот модел пластични сандали што се лансирани од модниот бренд Gucci.

Модната куќа Gucci го покажа новиот модел пластични сандали за ова лето што во голема мера потсетува на пластичните сандали што масовно се носеа во периодот на 80-тите и 90-тите години во поранешна Југославија, а се произведуваа во фабриката Jugoplastika во Сплит.

Доколку сте носталгични за пластичните сандали што се носеа во времето на поранешна Југославија и без кои не можеше да се замисли ниту еден одмор, сега можете истите да ги набавите со знак на светски познатиот моден бренд Gucci, но, за нив ќе треба да издвоите 400 евра.

Оние што ги носеле во минатото се сеќаваат дека тие беа одлична одбрана од морски ежеви и совршени за газење на плажи со камења, но речиси сите имаат трауми од плускавци на нозете и непријатна миризба од пластиката.

Беа застапени во повеќе бои, темно сини, розови, жолти (во боја на канаринец), проѕирни, а честопати се случуваше да мора да внимаваш некој по грешка да не ти ги земе од плажа, затоа што сите имавме исти.

Новиот модел на сандали од Gucci станаа хит на социјалните мрежи, а предизвикаа реакции и кај твитерџиите што се сеќаваат на времето кога без Jugoplastika сандали не се одеше на плажа.

„Кога на сандалите од поранешна Југославија ќе го ставиш овој знак, цената расте на 400 евра“ – коментираат твитерџиите за новиот модел пластични сандали што се лансирани од модниот бренд Gucci.

Ми велеа дека сме просечно работничко семејство, а на море одевме со вакви сандали.

За сите ју-носталгичари, Gucci има пластични сандали од Jugoplastika, што чинат 400 евра.

Б. С. Б. | Црнобело