Нов бизарен тренд од Balenciaga: Чанта како вреќа за ѓубре која чини 1.790 долари – дали и Ким ќе ја носи?

„Не можев да ја пропуштам можноста да ја направам најскапата вреќа за ѓубре во светот“ - Омилениот бренд на Ким Кардашијан, Balenciaga, во својата нова колекција вклучи чанта која е инспирирана од вреќа за ѓубре. Дали шетањето со вреќа за ѓубре како чанта ќе стане нов тренд? Можеби, ако Ким Кардашијан го прослави... 

Оваа чанта од Balenciaga за првпат беше претставена во март годинава, кога беше промовирана колекцијата за есен/зима 2022-ра година.

Производот е достапен во три различни бои: црна, сина и бела – всушност во истите бои во кои што се продаваат и обичните вреќи за ѓубре.

Според официјалната веб страна на брендот, чантата навистина е инспирирана од ќеси за ѓубре.

„Не можев да ја пропуштам можноста да ја направам најскапата вреќа за ѓубре во светот, затоа што не постои човек што не сака моден скандал“ – рече креативниот директор на брендот Демна Гвазалија.

Голем број луѓе на социјалните мрежи коментираат за високата цена од 1.790 долари по која се продаваат брендираните вреќи за ѓубре.

„Balenciaga продава вреќи за ѓубре од 1.700 долари“

„Сега е модерно да се шетате со вреќи за ѓубре“

Очекуваме Ким наскоро да се појави во стајлинг искомбиниран со најскапата вреќа за ѓубре, со оглед на тоа што овој бренд ѝ е омилен периодов. 

  Б. С. Б. | Црнобело