8 модни лекции што можеме да ги научиме од Ана Винтур

Вложете во пар чевли што ќе можете да ги комбинирате со сè и кога купувате мантил, одберете модел со интересен дезен, текстура или материјал.

Ана Винтур со години е уредничка на Vogue – магазин кој неретко е нарекуван и „модна библија“. Па, ако можеме да научиме нешто за модата од некого, тоа дефинтивно е Ана.

Модни лекции од познатата уредничка што вреди да ги примените:

Вложете во пар чевли што ќе можете да ги комбинирате со сè

Многупати Ана Винтур носи ист пар чевли – сандали со неутрална боја – кои се вклопуваат во скоро сите нејзини комбинации.

За елегантен изглед, носете здолништа и фустани со должина до под колената

Речиси никогаш нема да ја видите Ана Винтур со краток фустан или здолниште, а токму поради ова секогаш изгледа елегантно.

Слободно купете го омилениот модел чевли во повеќе бои

Ако најдете чевли, чизми или сандали што ви стојат одлично, а притоа се удобни, не двоумете се дали да купите уште некој пар со друга боја или дезен.

Впечатливите принтови се за едноставни комбинации

Секојпат кога носи впечатлив принт, Ана Винтур носи едноставна комбинација.

На пример, на фотките подолу таа носи само фустани и ниту еден друг детаљ од нејзината комбинација не се истакнува.

Носете го џемперот на рамената

Ана Винтур никогаш не облекува џемпери, но сака да ги носи како моден додаток врз рамената.

И, навистина изгледа одлично.

Носете ѓердани

Омиленото парче накит на Ана Винтур се ѓерданите.

Всушност, ретко-кога уредничката носи некој друг накит.

Носете уникатни мантили

Мантилите се едно омилените парчиња на Ана Винтур, а во гардеробер на дизајнерката има навистина интересни модели.

Наместо да купувате „обични“ мантили, обрнете внимание на материјалот, дезенот и текстурата бидејќи ова парче облека може да ја освежи целата комбинација.

Најдете го вашиот заштитен знак

Очилата за сонце се заштитен знак на Ана Винтур и ги носи постојано.

Веројатно и вие имате омилен моден додаток, па не двоумете се дали да го вметнувате во скоро секоја комбинација како Ана.

Спирова С. | Црнобело